man u wameapa kulipiza kisasi

Mabingwa wa soka nchini Uingereza Man Utd hii leo watajaribu bahati yao ya kusaka nafasi ya kusonga mbele kwenye michuano ya ligi ya mabingwa barani Ulaya pale watakapo pambana na mabingwa wenzao kutoka nchini Uguriki Olympiakos katika uwanja wa Old Trafford.
Man Utd watajaribu bahati yao, huku wakiwa na kumbu kumbu ya kukubalia kufungwa mabao mawili kwa moja katika mchezo wa mkondo wa kwanza, uliowakutanisha na Olympiakos nchini Ugikiri, mwishoni mwa mwezi uliopita.
Meneja wa klabu ya Man Utd David Moyes amesema pamoja na mwenendo mbaya kuwaelemea msimu huu bado anaamini kikosi chake kinaweza kufanya maajabu usiku wa hii leo na kikasonga mbele kwenye michuano hiyo ya Ulaya.
Wakati huo huo beki wa pembeni kutoka nchini Ufaransa na klabu hiyo ya Man Utd Patrice Evra amesema anatambua mashabiki wa Man Utd wameshachoshwa na matokeo mabaya yanayowakabili kwa sasa, lakini hii leo huenda wakajikuta wakikipongeza kikosi chao kutokana na maandalizi mazuri waliyo yafanya.
Evra amesema wanatambau wameshafanya makosa ya kukubali kufungwa katika mchezo wa kwanza dhidi ya Olympiakos lakini wana nafasi nyingine ya kucheza nyumbani kwa ajili ya kupindua matokeo hayo na kuhakikisha wanashinda kwa kishindo.